தேனிலவுக்காக சென்றபோது கணவரைக் கொலை செய்ததாக குற்றஞ்சாட்டப்பட்ட Sonam Raghuvanshiக்கு வழங்கப்பட்ட ஜாமீனை ரத்து செய்யக் கோரிய மனுவுக்கு இடைக்காலத் தடை விதிக்க Supreme Court of India மறுத்துள்ளது.
மத்தியப் பிரதேச மாநிலத்தின் இந்தூரைச் சேர்ந்த சோனம் ரகுவன்ஷி, தனது கணவர் Raja Raghuvanshiயை Meghalaya மாநிலத்தில் தேனிலவின்போது கொலை செய்ததாக குற்றஞ்சாட்டப்பட்டுள்ளார். இந்த வழக்கில், அவரது காதலன் Raj Singh Kushwahaவும் கைது செய்யப்பட்டுள்ளார்.
இந்த வழக்கில் விசாரணை நீதிமன்றம் கடந்த ஏப்ரல் மாதம் சோனமுக்கு ஜாமீன் வழங்கியது. பின்னர், Meghalaya High Court அந்த ஜாமீனை உறுதி செய்தது. இதை எதிர்த்து மேகாலயா அரசு உச்ச நீதிமன்றத்தில் மேல்முறையீடு செய்தது.
இந்த மனு, நீதிபதிகள் M. M. Sundresh மற்றும் Sheel Nagu அமர்வு முன்பு விசாரணைக்கு வந்தது. உயர் நீதிமன்ற உத்தரவு குறித்து சில கேள்விகளை எழுப்பிய நீதிபதிகள், சோனம் ஏற்கனவே ஜாமீனில் விடுவிக்கப்பட்டுள்ளதால், உடனடி இடைக்காலத் தடை விதிக்க மறுத்தனர். அதே நேரத்தில், இந்த வழக்கின் விசாரணை முன்னேற்றத்தை தொடர்ந்து கண்காணிப்பதாகவும் தெரிவித்தனர். மேலும், சோனமுக்கு நோட்டீஸ் அனுப்பவும் உத்தரவிட்டனர்.
விசாரணையின்போது, மேகாலயா அரசு சார்பில் ஆஜரான Tushar Mehta, சோனமுக்கு எதிரான குற்றச்சாட்டுகள் மிகவும் கடுமையானவை என்றும், தொழில்நுட்ப காரணங்களின் அடிப்படையில் ஜாமீன் வழங்கக் கூடாது என்றும் வாதிட்டார்.
கடந்த ஆண்டு மே 11-ஆம் தேதி திருமணம் நடைபெற்ற நிலையில், தம்பதியினர் மே 20-ஆம் தேதி மேகாலயாவின் Sohra பகுதிக்கு தேனிலவுக்குச் சென்றனர். சில நாட்களுக்குப் பிறகு இருவரும் மாயமான நிலையில், ஜூன் 2-ஆம் தேதி ராஜா ரகுவன்ஷியின் உடல் மீட்கப்பட்டது. பின்னர், ஜூன் 9-ஆம் தேதி சோனம் கைது செய்யப்பட்டார்.
சோனமுக்கு ஜாமீன் வழங்கிய நீதிமன்றம், கைது ஆவணங்களில் முக்கிய சட்டப் பிரிவு தவறாக குறிப்பிடப்பட்டிருந்ததையும், அவர் எந்தக் குற்றத்திற்காக கைது செய்யப்பட்டார் என்பது தெளிவாக தெரிவிக்கப்படாததையும் சுட்டிக்காட்டியது. இந்த நடைமுறைப் பிழைகள் வெறும் தட்டச்சுப் பிழையாக கருத முடியாது என்றும் நீதிமன்றம் கருத்து தெரிவித்திருந்தது.
