ஜோதிடத்தில் கிரகங்களின் ராஜாவாகக் கருதப்படுபவர் சூரியன். இந்த சூரியன் மாதம் ஒருமுறை ராசி மாற்றம் செய்வதன் மூலம், தமிழில் புதிய மாதங்கள் பிறக்கின்றன. அந்த வகையில், 2026 ஆம் ஆண்டின் முதல் சூரிய பெயர்ச்சி ஜனவரி 14 ஆம் தேதி நிகழ்கிறது. இந்த பெயர்ச்சியின் போது, சூரியன் தனுசு ராசியிலிருந்து மகர ராசிக்குள் நுழைகிறார்.
மகர ராசியின் அதிபதி சனி பகவான். சனி பகவானின் ராசிக்குள் சூரியன் பிரவேசிப்பதன் மூலம் தை மாதம் பிறக்கிறது. இந்த காலகட்டத்தில் சூரியன் தட்சிணாயனத்திலிருந்து உத்தராயணத்திற்கு நகர்கிறார். ஜோதிட ரீதியாக, இந்த மாற்றம் மிகவும் முக்கியமானதாக கருதப்படுகிறது. ஒருவரது ஜாதகத்தில் சூரியன் வலுவாக இருந்தால், அவர்களுக்கு சமூகத்தில் மரியாதை, மதிப்பு மற்றும் அந்தஸ்து அதிகரிக்கும் என்று நம்பப்படுகிறது.
இந்த சூரிய பெயர்ச்சியால் உருவாகும் தை மாதத்தின் தாக்கம் அனைத்து ராசிகளிலும் காணப்பட்டாலும், குறிப்பாக நான்கு ராசிக்காரர்களுக்கு இந்த காலம் மிகவும் சாதகமாக இருக்கும் என ஜோதிடர்கள் தெரிவிக்கின்றனர். தொழில், வேலை, வருமானம் மற்றும் குடும்ப வாழ்க்கை ஆகியவற்றில் நல்ல முன்னேற்றம் ஏற்படும் வாய்ப்பு அதிகம்.
கடக ராசிக்காரர்களுக்கு, இந்த பெயர்ச்சியின் மூலம் உழைப்புக்கேற்ற பலன் கிடைக்கும் காலம் தொடங்குகிறது. பணியிடங்களில் செய்த முயற்சிகள் வெற்றியாக மாறும். வியாபாரம் செய்பவர்களுக்கு லாபம் அதிகரிக்கும். வாழ்க்கைத் துணையின் ஆதரவு முழுமையாக கிடைக்கும். சொத்து தொடர்பான விஷயங்களில் சாதகமான முடிவுகள் கிடைக்கலாம். திருமண வாழ்க்கையில் புரிதலும் இனிமையும் அதிகரிக்கும்.
சிம்ம ராசிக்காரர்களுக்கு, இந்த தை மாதம் வேலை மற்றும் போட்டி சார்ந்த விஷயங்களில் வெற்றியைத் தரும். வருமானத்தில் உயர்வு ஏற்படும். மாணவர்கள் கல்வியில் சிறப்பான முன்னேற்றம் காண்பார்கள். சட்டம் தொடர்பான பிரச்சினைகள் இருந்தால், அவற்றில் சாதகமான தீர்வுகள் கிடைக்க வாய்ப்பு உள்ளது. வியாபாரிகளுக்கு எதிர்பாராத நிதி ஆதாயங்கள் கிடைக்கக்கூடும்.
துலாம் ராசிக்காரர்களுக்கு, இந்த சூரிய பெயர்ச்சி வாழ்க்கையில் நிலைத்தன்மையையும் நிம்மதியையும் தரும். மேற்கொள்ளும் முயற்சிகள் அனைத்திலும் வெற்றி கிடைக்கும். வியாபாரத்தில் லாபம் உயரும். பல்வேறு வழிகளில் வருமானம் அதிகரிக்கும். நீண்ட நாட்களாக சிக்கியிருந்த பணம் கைக்கு வந்து சேரும். பணிபுரியும் நபர்களுக்கு சம்பள உயர்வு அல்லது கூடுதல் வருமான வாய்ப்புகள் உருவாகும்.
தனுசு ராசிக்காரர்களுக்கு, தை மாதம் அதிர்ஷ்டத்தின் முழு ஆதரவை வழங்கும். எடுக்கும் முயற்சிகள் அனைத்திலும் வெற்றி கிடைக்கும். தொழில் மற்றும் பணியில் நல்ல முன்னேற்றம் காணப்படும். வருமான ஆதாரங்கள் பெருகும். நிதி நிலை வலுப்பெற்று, சிக்கிய பணம் மீண்டும் கைக்கு வந்து சேரும். மொத்தத்தில், சூரியனின் அருளால் பொருளாதார ரீதியாகவும், தொழில் ரீதியாகவும் நல்ல வளர்ச்சி ஏற்படும்.
பொறுப்புத் துறப்பு: மேலே வழங்கப்பட்டுள்ள தகவல்கள் ஜோதிட நம்பிக்கைகள் மற்றும் இணையத்தில் கிடைக்கும் பொதுவான தகவல்களின் அடிப்படையில் தரப்பட்டவை. இதன் நம்பகத்தன்மைக்கு முழுமையான உத்தரவாதம் இல்லை. இந்த தகவல் பொதுத் தகவல் நோக்கத்திற்காக மட்டுமே. எந்தவொரு முக்கிய முடிவுகளுக்கும் முன், சம்பந்தப்பட்ட ஜோதிட நிபுணரை அணுகுவது அவசியம்.
