ஊதிய உயர்வு தொடர்பான நீண்டநாள் கருத்து வேறுபாடுகள் காரணமாக, பிரித்தானிய மருத்துவர்கள் மீண்டும் போராட்டப் பாதையைத் தேர்ந்தெடுத்துள்ளனர்.
பிரித்தானிய மருத்துவ சங்கம் (British Medical Association – BMA) அறிவித்தபடி, இங்கிலாந்தில் உள்ள உறைவிட மருத்துவர்கள் (Junior Doctors) டிசம்பர் 17 முதல் ஐந்து நாட்கள் வேலைநிறுத்தத்தில் ஈடுபட உள்ளனர்.
மார்ச் 2023 முதல் BMA அறிவித்துள்ள இது 14ஆம் வேலைநிறுத்தமாகும். இந்தப் போராட்டம் மருத்துவமனைகளின் சேவைகளில் கடுமையான தடைகளை ஏற்படுத்தக்கூடும் என எதிர்பார்க்கப்படுகிறது.
கிறிஸ்துமஸ் பண்டிகைக்கு முன்பான இந்த முக்கியமான காலத்தில் வேலைநிறுத்தம் நடைபெறுவது “அலட்சியமான நடவடிக்கை” என தேசிய சுகாதார சேவை (NHS) அதிகாரிகள் கண்டனம் தெரிவித்துள்ளனர்.
அரசாங்கம் உரிய மற்றும் நம்பகமான ஊதிய உயர்வு முன்மொழிவு வழங்காததால், வேறு வழியின்றி இந்த முடிவை எடுக்க வேண்டியிருந்ததாக மருத்துவர்கள் சங்கம் கூறியுள்ளது.
