பிரித்தானியாவின் கென்ட் (Kent) பகுதியில் ஜனவரி 3, 2026 அன்று இரவு நேரத்தில் நடந்த கோர சாலை விபத்தில் இரு இளம் வயதினர் பரிதாபமாக உயிரிழந்தனர். இவாடே (Ivatt’s End) கிராமத்துக்கு அருகே ஓல்ட் ஃபெர்ரி சாலையில், ஒரு நீல நிற போர்டு ஃபீஸ்டா (Ford Fiesta) கார் கட்டுப்பாட்டை இழந்து சாலையிலிருந்து விலகி விபத்துக்குள்ளானது.
இந்த சம்பவத்தில் 17 வயது சிறுவனும், 16 வயது சிறுமியும் சம்பவ இடத்திலேயே உயிரிழந்தனர். இரவு 8:30 மணியளவில் பொலிஸாருக்கு தகவல் கிடைத்ததைத் தொடர்ந்து, அவசர மருத்துவ குழு, தீயணைப்பு படை மற்றும் கென்ட் பொலிஸார் சம்பவ இடத்திற்கு விரைந்தனர்.
விபத்தில் மூன்றாவது பயணியாக இருந்த 16 வயது மற்றொரு சிறுமி, காயங்களுடன் உடனடியாக மருத்துவமனையில் அனுமதிக்கப்பட்டார். தற்போது அவர் சிகிச்சை முடிந்து வீடு திரும்பியுள்ளார் என பொலிஸ் தரப்பு உறுதிப்படுத்தியுள்ளது.
விபத்தின் சரியான காரணத்தை தெளிவுபடுத்தும் நோக்கில், புலனாய்வு அதிகாரிகள் சம்பவ இடத்தில் தீவிர ஆய்வுகளை மேற்கொண்டு வருகின்றனர். இந்த ஆய்வுகள் நடைபெறும் வரை, ஓல்ட் ஃபெர்ரி சாலை தற்காலிகமாக மூடப்பட்டுள்ளது.
