லண்டன் ஹீத்ரோ விமான நிலையத்திற்கு சென்று கொண்டிருந்த பிரிட்டிஷ் ஏர்வேஸின் BA1443 விமானம், புறப்பட்ட சிறிது நேரத்திலேயே தொழில்நுட்பக் கோளாறு காரணமாக எடின்பர்க் விமான நிலையத்திற்கு திருப்பி விடப்பட்டது.
ஏர்பஸ் A320 வகை விமானமான இதில் இருந்த விமானிகள், அவசர நிலையைக் குறிக்கும் “7700” சப்தக் குறியீட்டை விமானப் போக்குவரத்துக் கட்டுப்பாட்டு மையத்திற்கு அனுப்பினர். இதனைத் தொடர்ந்து, எடின்பர்க் விமான நிலைய அதிகாரிகள் உடனடியாக நடவடிக்கை எடுத்தனர்.
விமான நிலையத்தின் செயல்பாடுகள் 40 நிமிடங்கள் முழுவதும் தற்காலிகமாக நிறுத்தப்பட்டு, குறித்த விமானம் பாதுகாப்பாக தரையிறக்கப்பட்டது. விமானத்தில் இருந்த அனைத்து பயணிகளும் பாதுகாப்பாக மீட்கப்பட்டனர். தற்போது எடின்பர்க் விமான நிலையம் வழமையான செயல்பாட்டுக்குத் திரும்பியுள்ளது.
