வெஸ்ட் இண்டீஸ் அணி, நியூசிலாந்துக்கு எதிராக 3 வடிவிலான கிரிக்கெட் சுற்றுப்பயணம் மேற்கொண்டுள்ளது. இதில், முதலில் நடந்த டி20 தொடரையும், அடுத்து நடந்த ஒருநாள் தொடரையும் நியூசிலாந்து அணி வென்றது.
தற்போது, இரு அணிகளும் 3 போட்டிகள் கொண்ட டெஸ்ட் தொடரில் மோதி வருகின்றன. இதில், முதல் டெஸ்ட் போட்டி பரபரப்பான ஆட்டத்திற்குப் பிறகு டிராவில் முடிந்தது. அடுத்ததாக, இரண்டாவது டெஸ்ட் போட்டி டிசம்பர் 10, 2025 அன்று தொடங்கவிருக்கிறது.
இந்நிலையில், நியூசிலாந்து அணிக்கு தொடர் காயங்கள் பெரும் பின்னடைவாக அமைந்துள்ளன. சுழற்பந்து வீச்சாளர் மிட்செல் சாட்னர், வேகப்பந்து வீச்சாளர் டேல் ஹென்றி, மற்றும் ஆல்ரவுண்டர் நாதன் ஸ்மித் ஆகிய மூவரும் காயம் காரணமாக மீதமுள்ள டெஸ்ட் போட்டிகளிலிருந்து விலகியுள்ளனர்.
ஹென்றி மற்றும் ஸ்மித் ஆகியோர் முதல் டெஸ்ட் போட்டியின் போது காயமடைந்தனர். அதேநேரம், சாட்னர் முதல் டெஸ்ட் போட்டிக்கு முன்பே காயத்தால் விளையாட முடியாமல் இருந்தார். இந்த மூவரின் விலகல், நியூசிலாந்து அணியின் போட்டித் திறனை குறைக்கும் என எதிர்பார்க்கப்படுகிறது.
