ஜோதிட சாஸ்திரத்தின்படி, கிரகங்கள் ஒரு ராசியிலிருந்து மற்றொரு ராசிக்கு இடம்பெயரும்போது பல்வேறு சுப மற்றும் அசுப யோகங்கள் உருவாகின்றன. அந்த வகையில், 2026 ஏப்ரல் மாதத்தில் ஒரு மிகப்பெரிய விண்வெளி நிகழ்வு காத்திருக்கிறது.
ஏப்ரல் 2-ம் தேதி கிரகங்களின் தளபதி செவ்வாய் மீன ராசிக்குள் நுழைகிறார். அவரைத் தொடர்ந்து ஏப்ரல் 11-ம் தேதி புத பகவானும் அதே ராசியில் இணைகிறார். ஏற்கனவே கடந்த 30 ஆண்டுகளாக இல்லாத வகையில் சனி பகவான் மீன ராசியில் பயணம் செய்து வருவதால், இந்த மூன்று கிரகங்களின் சேர்க்கையினால் ‘திரிகிரக யோகம்’ உருவாகிறது.
சுமார் மூன்று தசாப்தங்களுக்குப் பிறகு குருவின் வீட்டில் நிகழும் இந்த அபூர்வ சேர்க்கை, அனைத்து ராசிகளிலும் குறிப்பிடத்தக்க மாற்றங்களை ஏற்படுத்தப்போகிறது.
இந்த திரிகிரக யோகத்தினால் 12 ராசிகளுக்கும் பலன்கள் மாறுபட்டாலும், ஐந்து ராசிக்காரர்களுக்கு மட்டும் ஏப்ரல் மாதம் ‘ஜாக்பாட்’ அடித்தது போன்ற பலன்கள் கிடைக்கும் என கணிக்கப்பட்டுள்ளது. குறிப்பாக ரிஷப ராசியினருக்கு 11-வது வீட்டில் இந்த யோகம் அமைவதால் புதிய வருமான வாய்ப்புகள் கதவைத் தட்டும்.
கடக ராசியினருக்கு 9-வது வீட்டில் இந்த சேர்க்கை நிகழ்வதால் அதிர்ஷ்டம் 100 சதவீதம் துணைநிற்கும்; வெளிநாட்டுப் பயணங்கள் கைகூடும். விருச்சிக ராசியினருக்கு புத்திர பாக்கியம் மற்றும் காதல் வாழ்க்கையில் முன்னேற்றம் ஏற்படும்.
அதேபோல், தனுசு ராசியினர் புதிய வீடு, வாகனம் வாங்கும் யோகத்தைப் பெறுவார்கள். மகர ராசியினருக்கு அவர்களின் துணிச்சலான முடிவுகளால் தொழிலில் பெரும் லாபம் கிடைக்க வாய்ப்புள்ளது.
அதிர்ஷ்டம் ஒருபுறம் இருந்தாலும், சில ராசிக்காரர்கள் இந்த கிரக மாற்றத்தின் போது கூடுதல் கவனத்துடன் செயல்பட வேண்டும். மேஷ ராசியினருக்கு விரயங்கள் அதிகரிக்கக்கூடும் என்பதால் தேவையற்ற செலவுகளைக் குறைக்க வேண்டும்.
சிம்ம ராசியினர் எட்டாம் இடத்தில் கிரகங்கள் கூடுவதால் ஆரோக்கியத்திலும், முதலீடுகளிலும் மிகுந்த எச்சரிக்கையுடன் இருப்பது அவசியம். கன்னி ராசியினருக்கு ஏழாம் இடத்தில் இந்த யோகம் அமைவதால் வாழ்க்கைத் துணையுடன் கருத்து வேறுபாடுகள் தோன்ற வாய்ப்புண்டு.
மீன ராசியிலேயே இந்த சேர்க்கை நடப்பதால் அந்த ராசியினர் எந்தவொரு முக்கிய முடிவையும் எடுப்பதற்கு முன்னால் நிதானமாகச் சிந்திப்பது நல்லது. ஒட்டுமொத்தமாக இந்த ஏப்ரல் மாதம் பலரது வாழ்வில் ஒரு திருப்புமுனையாக அமையப்போகிறது.
