வேத ஜோதிடத்தில் கிரகங்களின் இளவரசன் என்று போற்றப்படும் புதன் பகவான், ஒருவரின் புத்திசாலித்தனம், பேச்சுத்திறன் மற்றும் வியாபார வெற்றிக்கு முக்கிய காரணியாக விளங்குகிறார்.
சந்திரனுக்கு அடுத்தபடியாக மிக விரைவாக ராசி மாற்றம் செய்யும் கிரகமான புதன், தற்போது கும்ப ராசியில் சஞ்சரித்து வருகிறார். இந்நிலையில், சுமார் ஒரு வருட இடைவெளிக்குப் பிறகு, வரும் 2026 ஏப்ரல் 11-ம் தேதி குரு பகவானின் வீடான மீன ராசிக்குள் புதன் நுழையவுள்ளார்.
இந்த இடமாற்றம் மேஷம் முதல் மீனம் வரையிலான 12 ராசிகளிலும் தாக்கத்தை ஏற்படுத்தினாலும், குறிப்பாக மூன்று ராசிக்காரர்களுக்கு நிதி ரீதியாகவும், தொழில் ரீதியாகவும் மிகப்பெரிய திருப்புமுனையை ஏற்படுத்தப் போகிறது.
ரிஷப ராசி
ரிஷப ராசியினரைப் பொறுத்தவரை, புதன் 11-வது வீடான லாப ஸ்தானத்திற்குச் செல்வது ஒரு வரப்பிரசாதமாகும். இதனால் இவர்களின் வருமானத்தில் குறிப்பிடத்தக்க உயர்வு ஏற்படுவதோடு, புதிய வருமான ஆதாரங்களும் உருவாகும். நீண்ட காலமாக முடங்கிக் கிடந்த பணிகள் மீண்டும் வேகம் பெற்று வெற்றிகரமாக முடியும். பங்குச் சந்தையில் முதலீடு செய்பவர்களுக்கு நல்ல லாபம் கிடைக்க வாய்ப்புள்ளது, இருப்பினும் அவசரப்படாமல் நிபுணர்களின் ஆலோசனையைப் பெறுவது நல்லது.
கும்ப ராசி
கும்ப ராசியின் 2-வது வீட்டிற்குப் புதன் செல்வதால் இவர்களின் பேச்சுத்திறன் மெருகேறும். பணியிடத்தில் உங்களின் திறமைக்கு உரிய அங்கீகாரம் கிடைப்பதோடு, பதவி உயர்வு மற்றும் சம்பள உயர்வுக்கான வாய்ப்புகளும் பிரகாசமாக உள்ளன. ஆனால், இந்தக் காலகட்டத்தில் யாருக்கும் கடன் கொடுப்பதைத் தவிர்ப்பது நல்லது.
கன்னி ராசி
கன்னி ராசியின் 7-வது வீட்டிற்குப் புதன் பெயர்ச்சியாவது அந்த ராசியினரின் ஆளுமையில் பெரும் மாற்றத்தைக் கொண்டு வரும். உங்கள் மீதான தன்னம்பிக்கை அதிகரிப்பதோடு, மிகச்சரியான முடிவுகளை எடுக்கும் திறன் மேம்படும். குறிப்பாகக் கூட்டுத் தொழில் செய்பவர்களுக்கு இந்த ஏப்ரல் மாதம் அமோகமான லாபத்தைத் தேடித்தரும்.
திருமணமானவர்களின் வாழ்க்கையில் புரிதல் அதிகரித்து மகிழ்ச்சி ததும்பும். அலுவலகத்தில் உங்கள் செயல்திறன் மற்றவர்களால் பாராட்டப்படும். அதே சமயம், வேலைப்பளு காரணமாக ஆரோக்கியத்தில் சிறு சிறு பாதிப்புகள் ஏற்பட வாய்ப்புள்ளதால், முறையான உணவு மற்றும் ஓய்வில் கூடுதல் கவனம் செலுத்த ஜோதிட வல்லுநர்கள் அறிவுறுத்துகின்றனர்.
